ශ්‍රී ලංකා චෙස් සම්මේලනය තුන්වැනි වරටත් සංවිධානය කළ ජාතික ‘අධිවේගී’ චෙස් ශුරතාවලියේදී ජාතික චෙස් ශූරී සචිනි රණසිංහ විවෘත කාන්තා ඉසව්වේ ශූරතාව දිනා ගත්තාය. විවෘත පිරිමි ශූරතාව දිනා ගැනීමට මොරටුව විශ්ව විද්‍යාලයේ දමිත් කරුණාරත්න සමත්විය.

මියුසියස් විදුහලේ ඉගෙනුම ලබන 16 හැවිරිදි සචිනි අන්තර්ජාතික චෙස් ප‍්‍රවීණතා සහතිකය (ඉන්ටර්නැෂනල් මාස්ටර් තත්ත්වය) ලබා සිටින ශ්‍රී ලංකාවේ එකම ක‍්‍රීඩිකාව ද වන්නීය. පිරිමි හා කාන්තා විවෘත ඉසව් දෙකට අමතරව වයස 15 න් පහළ සහ 11 න් පහළ (බාලක/බාලිකා) ඉසව්වලින් ද සමන්විත මෙම තරගාවලිය කොළඹ රාජකීය විදුහලේදී ඊයේ (26) පැවැත්විණ.

ජාතික සංචිතයේ ක‍්‍රීඩක ක‍්‍රීඩිකාවන් ඇතුළු 300 කට වැඩි පිරිසක් සහභාගි වු මෙම තරගාවලියේ විශේෂත්වය වුයේ තරගයක් විනාඩි 10 කට සීමාවීමයි. ස්විස් ක‍්‍රමයෙන් තරග වට හතකින් තරගාවලිය සමන්විත විය.

දමිත් තරග වට හත අවසානයේදී ලකුණු 7.0 ක් ලබා ශූරතාව හිමි කර ගත්තේය. සී.එම්. රාජපක්‍ෂ සහ එස්. එස්. පීරිස් පිළිවෙලින් ලකුණු 6.0 බැගින් ලබා අනුශූරතාව සහ තෙවැනි ස්ථානය ලැබුහ.

කාන්තා විවෘත ඉසව්වේදී සචිනි ලකුණු 5.0 ක් ලබාගත් අතර එම්.පී. මහේෂිකා ලකුණු 4.0 ක් ලබා අනුශූරතාව හිමිකර ගත්තාය. සමන්ති වෙත්තසිංහට (ලකුණු 3.5) තෙවැනි ස්ථානය හිමිවිය.

තරගාවලියේ විවෘත ඉසව්වල ජයග‍්‍රාහී ක‍්‍රීඩක කී‍්‍රඩිකාවන්ට රුපියල් 30,000 ක මුදල් ත්‍යාගයක් ද, වයස් වයස් කාණ්ඩවල ජයග‍්‍රාහී කී‍්‍රඩක ක‍්‍රීඩිකාවන්ට පදක්කම් සහ සහතිකපත් පිරිනැමිණ.

ත්‍යාග ප‍්‍රදානය කොළඹ රාජකීය විදුහලේ විදුහල්පති හා ශ්‍රී ලංකා චෙස් සම්මේලනයේ සභාපති උපාලි ගුණසේකර මහතාගේ ප‍්‍රධානත්වයෙන් සිදුකෙරිණ.

දකුණු අප‍්‍රිකාවේ කේප් ටවුන් නගරයේදී දැන් පැවැත්වෙන පොදුරාජ්‍ය මණ්ඩලයීය බර ඉසිලීමේ ශූරතාවලියේ කිලෝග‍්‍රෑම් 69 බර පංතියේ (පිරිමි) රන් පදක්කම දිනා ගැනීමට ශ්‍රී ලංකා කී‍්‍රඩක සුදේෂ් පීරිස් සමත්විය. ඒ අනුව තරගාවලියේ දින තුනක් අවසානයේදී ශ්‍රී ලංකා කී‍්‍රඩකයෝ රන් පදක්කම් තුනක් සහ රිදී පදක්කමක් දිනා ගැනීමට සමත්ව සිටිති.

සුදේෂ් තරගයේදී ස්නැච් ක‍්‍රමයට කිලෝග‍්‍රෑම් 125 ක්, ක්ලීන් ඇන්ඞ් ජර්ක් ක‍්‍රමයට කිලෝග‍්‍රෑම් 155 ක් සහ එකතුව කිලෝග‍්‍රෑම් 280 ක් ඔසවමින් රන් පදක්කම දිනා ගත්තේය. මෙම බර පංතියේ රිදී පදක්කම ඉන්දීය ක‍්‍රීඩකයකු දිනාගත් අතර වේල්ස් කී‍්‍රඩකයකුට ලෝකඩ පදක්කම හිමිවිය.

රන් පදක්කම් ලාභී සුදේෂ් පීරිස් පසුගිය වසරේ නවදිල්ලි නුවරදී පැවැති 19 වැනි පොදුරාජ්‍ය මණ්ඩලයීය කී‍්‍රඩා උළෙලේදී බර ඉසිලීමේ ලෝකඩ පදක්කමක් දිනාගත් කී‍්‍රඩකයාය.

ජාතික චෙස් ශුරිය වන සචිනි රණසිංහට විදේශිය පුහුණු කරුවකුගේ සහය ලබා ගැනීමට ක්‍රිඩා අමාත්‍යංශයේ අනුග්‍රහය ලබා දි ඇතයි වාර්ථා වේ මාස 6ක කාල සිමාවක් සදහා මෙලෙස ක්‍රිඩා අමාත්‍යංශ අනුග්‍රහය ඇයට ලබා දි තිබේ.

ක්‍රිඩා මාධ්‍යවේදියකු වන නිශ්මං රනසිංහ රන් කදුළු නමින් ග්‍රන්ථයක් එලි දක්වා තිබින. මංජු වන්නිආරච්චි නම්වු බොක්ෂින් ක්‍රිඩකයාගේ චරිතය ඇසුරින් ඔහුගේ මෙම කෘතිය සකස්කර තිබින.